先政事,後私事

對,像我這等廿幾歲的人,除了衣食住行之外,還要對社會上的事有一種承擔.不需要深入研究分析,但要有認知.所以,今日先討論一下政事,再講私事.

近日的稅務問題,令到全城烘動呀!我早幾日才收到平生以來的第一份報稅表格,心情異樣.收到綠信封,某程度上係代表你既收入到達指標(即係唔少個隻啦).要盡一個市民既責任.但又擔心要交很多稅.而家財爺提議大家以後所有既支出都要交稅.唔係一年一次,而係日日,次次都交喎!好嚴重!大家有冇咩諗法?有人話政府劫貧濟富,低收入既分擔左高收入既稅項.我梗係唔同意啦,我已經覺得而家除左零售一方面平d之外,所有野都貴晒.交通費啦,飲食啦,所有必需要既生活消費都好貴.如果仲要加上幾個百仙既稅,好難應付囉. 以前中學讀書時都講過,零機稅係香港成功既一個主要因素.因為咁先可以吸引到外國公司係香港立足,亦令到外地既精英黎香港工作.如果冇左呢樣野,究竟香港仲憑咩可以繼足?我地成日都話要同人競爭,澳門丫,深圳丫,廣洲丫,星加坡丫咁.但點解我總係覺得,人地d競爭力日日進步,而我地香港呢,就每下愈況??!! 我感覺到香港既力量不斷流失,就好似一個35歲既足球員咁,老態畢露! 如似巴西隊長--卡富咁呢!唉!真係希望香港可以搵番條出路,搵番種活力.

好啦,講完政事,講私事啦.

今日係星期四,岩岩出左去食完lunch.係我食食下既時候,突然間諗起,呢個應該係我最後一次係將軍澳區食lunch. 個一刻,好感觸.因為我一畢業就係將軍澳區工作,來來去去都係圍住個幾個主要商場食野.近年因為變得孤癖,所以出親去食飯都係自己一個人.今日都唔例外,一個人係kfc食飯.我覺得幾舒服嫁.唔駛講野,唔駛諗野,食cheap d又得,食豪d又得. 今日一邊食,一邊兩頭望,一來係想記住個地方,因為冇咩事都唔會再去到將軍澳,二來又諗起好多野. 以前中學時代,係我食kfc食得最瘋在既年代,初中時候,一班同學仔總喜歡放學搭車出葵芳食雞. 真係日日都係咁,一人一件雞胸配汽水.邊食邊吹水.好記得有一次,同學話:食多d雞胸啦,以型補型丫.haha! 補唔補到我唔知,不過,個陣時既kfc,係最好食既. 有肉汁又有香味.同而家個d乾淨淨既炸雞完全唔同. 同我一齊食雞既同學仔,而家已經冇再聯絡,不過唔打緊啦,每次食雞都會令我諗起佢地既. 就正如我以後每次提起將軍澳,就會諗起呢幾年咁囉. 食完飯,搭公司車沿路返公司,天氣大好,唯一一樣東西叫我留戀的,可以說是將軍澳工業村的天氣.天氣好的話,這裡真像是郊外一樣美.因為在這裡的建築物不高,最高的TVB都只有八層,加上很大的一片綠地,有山有水有草有地.雖然它是垃圾堆出來的,但又何防?有綠色的景色已經很難得了. 加上藍天白雲,靚到死! 可惜,相信這種景象將不能長久,一個又一個地盤準備開工,我估應該相繼有工廠建成,那時候的工業村,應該什麼也沒有了. 我明天會準備相機,為這個偏僻,荒蕪之地留影.

我開始收拾公司的東西了,這時候是最感觸的,說到底都是離開一個熟識的地方.唯有希望將來公司的坐位有這裡的SIZE,可容我放下私物啦.不過,我見工時參觀過,情況並不樂觀!慘!

明天,將會是我最後一天在OFFICE內寫BLOG,我都已經想到寫什麼了.請大家留意吧.